بسم الله الرحمن الرحيم
اليوم نزلت لكم قصه بعنوان
{ضمني قبل ما أموت}
ريما طالبه في ثانيثانوي
اخوانها[،فيصل،محمد،راشد.]
ابو فيصل(عبدالله)
ام فيصل توفت في يومولادة ريما ولاجابت بنات إلا هي ،،
وولدعم ريما : فايز
فايز يموووت في شياسمه ريما لاكن ريما ماتحبه لأخلاقه
وخاطبها لاكنها رفضته والسبب تكمل دراستهاجعلت الدراسه سبب عشان ماتتزوجه
ودايم يزورهم عشان يتقرب منها وريما العكس إذاجا تصرفه يا نايمه يا تذاكر
ولاكن ينشب إلا مايشوفها
والأهل عارفين ان فايزيحبها
ويحق له
لأنها جميله بأخلاقها واحترامها ودمها الخفيف وشكلها
كانتالعيون (احلآ شي فيها) ولونها الابيض الثلجي وشعرها اسود وناعم
كانت تشبه اخوهاراشد فعيونها وشعرها لاكن راشد كان اسمر منها لونه حنطي
وكانوا هالعايله على قدحالهم،، ضمني قبل ما اموت ،،)
)~~الــبــدايــه~~(
ريما كانت طالعه لسوق مع راشد اخوها
دخلتمحل عطورات وراشد تم جالس برا مادخل ويناظر رجال من بعيد
ريما استغربت راشدمادخل:راشد وشفيك مادخلت
راشد:لقيتي العطر
ريما:لا باقي مادورت
راشد عرفان هذاك الرجال اللي كان راشد يناظر فيه
مبارك خويه من زمان،،
راشد مستعجلبيروح يسلم عليه:اسمعي بروح اسلم على خويي وبرجع لك لينك لاقيه عطركاوكيه.
ريـمــا :اوكيه بس بسرعه اخاف اجلس في المحل بروحي.
راشد:الله يعينفايز عليك يا الخوافه
ريــما: اقول روح بسرعه لاتشين نفسي
راح راشدودخلت ريما المحل
وهي تسأل البايع إذا عنده عطر مثل اللي معها عاد هي مالقتمثله
وشوي التفت بتطالع العطورمن غير قصدحطت رجلها على رجل الشاب اللي جنبهاإلتفت عليها علطول
قالت: آآآسفـــــــه ما انتبهت
الشاب: لاعادي !!!
طلعتريما علىطول من المحل وهي خايفه لان بروحها و الشاب مانزل عينه من عليها
و طلعوراها
الشاب:لوسمحتي
ريما ساكته وكانت تنتظر اخوها
الشاب: شكل هذاعطــرك؟؟
(العطر كان شبه فاضي لاكن ريما جابته تبي تشتري عليه)
ريما : إيهعطري
الشاب : طيب تفضلي
اتمنى ما أكون ازعجتك
وإذا بغيتي اي خدمه أتصليعلي وهذا رقمي
كان كاتب رقمه في ورقه قبل لايطلع من المحل بيعطيهياه
ريما:لوسمحت احترم نفسك؟
الشاب:خذيه وصدقيني ماراح تندمين
ريما: إذا انت فاكرني مثلكل البنات اللي تلعبون معهم تراك غلطان
الشاب:ورب الكعبه انتي اول بنت أعطيهارقمي وربي ما أكذب عليك
ريما ساكته وخايفه وعيونها دموع لاكن مانزل
(ريماحاطه لثام وكانت عيونها تجنن تجذب بس ماكانت تعطي الشباب وجه) الشاب بعد ماشافعيونـــــها راح فيها
الشاب: خذيه ارجوك
ريما خذته وشافت اخوها يتلفت يدورهاوهي خافت انه يشوفها تاخذ رقم قالت: طيب خلاص روح بسرعه اخوي جا
الشاب راحعلىطول عشان مايوهقها
المهم جا اخوها ولا انتبه للرجال اللي كان معها:هاهلقيتيه؟؟
ريما:وشو؟؟؟
راشد:العطر؟
ريما:آه لا مالقيت مثله
راشد:ابويمتصل يقول وش فيكم تأخرتوا؟خلينا نروح البيت الحين وبكره ندوره في سوقثاني
ريما:يالله
رجعوا البيت
في الليل الساعه _ 12
جلست ريما في غرفتهاومطلعه الرقم وتناظر فيه ومتردده
بلاشعوريا كتبت الرقم في الجوالواتصلت
الشاب:الوو
ريما:
الشاب:الووووو
ريما:الو
الشاب:هلاااوالله
ريما:
الشاب:انتيفي السوق اليوم صح
ريما:صح
الشاب: اخبارك؟
ريمـــا : تمام
الشاب:إنشاءالله دوووم
إلا وش تتوقعين اسمي؟
ريما:مدري
الشاب:وش فيك؟
ريما: انا وشفيني؟!!
الشاب:كنك خايفه
ريما:اول مره اكلم شاب غريب..
الشاب: (ساكتين طبعا)
ريما:
الشاب:اسمعي انا اقولك كلام
والله شاهد على كلامي انيوالله اول مره اعطي بنت رقمي وشوفي إذا انتي خايفه اني العب علــيك او اسلي نفسيمعك وإذا انا ناوي على شر يارب ينرد على خواتي
واناطبعا ماأعرف وجهـك ولااسمكولااخلاقك
بس قسم بالله احس اني مرتاح لك كثيــــــــر..
(ريماتحسانهاارتاحت[شوي]باسلوبه وكلامه وتمت ساكته ولاردت عليه)
الشاب: شوفي بكره راحاتصل عليك باي
ريما: باي
ريما اول ماقفلت وهي جالسه تعاتب نفسها ليه اخذتالرقم؟
ليه اتصلت؟
ليه اخون اهلي؟
ليه وليه.......
وهو يقول فنفسهياليتني ماسويت كذا
ياليتني خليت البنت في حالها احسن ..
اليوم الليبعده
في الليل اتصل الشاب على ريما
ريما كانت خايفه ترد
وانقطع الإتصالولاردت ريما
جلس يومين بعدها ولا اتصل
ريما خايفه يكون صار فيه شي بسماقدرت تتصل
دزت مسج:
{ أخبارك يا....... ؟؟؟}
مرت ساعتين وهو مارد عليها
كانت دازه المسج العصر
اتصلت وكان الجوال مغلق
ريما خافت
دزت مسجثاني:
{ اتمنى اول ماتفتح جوالك تطمني}
وبعدها ريما ندمت انها دزتهالمسجين
وتقول في نفسها ياليتني ما استعجلت
الساعه 1 في الليل
رن جوالريما شافت رقم غريب ولاردت
وتم يتصل 3 مرات
ردت أخر شي:نعم
الآخر: السلام
ريما: وعليكم السلام نعم؟؟
الآخر: ماعرفتيني؟؟؟
ريما:
الآخر: افا امداك تنسيني؟
ريما:هلا انت الشاب اللي بالسوق
الشاب: ايوه
ريما: آها
الشاب:أخبارك؟
ريما: الحمدلله
الشاب: معليش ماقدرت اتصل عليك امس كانجهازي خربان وهذا الحين انا اكلمك من جوال اختي
ريما:
الشاب:إلا نسيت اعرفكعلى اسمي
ريما: بدري
الشاب:ههههه شفتي عاد
المهم وش تتوقعين اسمي
ريما: مدري
الشاب:خطا هههه
ريما:هههاا بايخه
الشاب: يبدا بحرف ال ث
ريما: مافيه
الشاب:ههه حلوه مافيه
ريما:اه ثامر صح
الشاب: لا
ريما:هاه اجلثعد
الشاب: هههه لا صح ثامر وشرايك حلو
ريما: وشو؟؟<<انحرجت
ثامر:اسمي
ريما:عادي
ثامر: صريحه
ريما:
ثامر:وانتي؟؟
ريما:وشو
ثامر:شسمك؟
ريما:
ثامر:إذاماودك تقولين ترى مولازم
ريما: تتوقع باي حرف يبدا
ثامر: السين
ريما: لا
ثامر:هاه قولي باي حرف انا قايلك باي حرف
ريما:الرا
ثامر: رهف
ريما: لا
ثامر: أشوا
ريما:ليه
ثامر: ما أحب ذا الإسم
المهم رغد رينادريم
ريما: لا
ثامر: يوووه وشو عاد
ريما: قربتمشوي
ثامر:رندا
ريما:لاوش رندته
ثامر:ترى اني ماأحب كذا
ريما: وش فيكعصبت هههه
ثامر: والله ماأحب كذا
ريما:ريما
ثامر:اوووه احسك بتطلعين حلوهمثل اسمك؟؟
ريما: ...!! (منحرجه)
ثامر:احس وجهك طلع طماطه
ثامر: [[ريماياريم الزهور
احبك وحبي لك كله حمام وطيور]]
ريما:صح لسانك
ثامر:صحبدنك
ريما: بس وش حمام وطيور
ثامر: عاد انتي لاتفشلين
جت فباليوقلتها
ريما: ههه طيب
ثامر:وش اللي طيب قولي فيني شعر؟؟
ريما: ماأعرف
ثامر: لاياعمري مافي احد مايعرف الشعر
ريما:... !.!!!
ثامر:ياللهعاد
(حاول فيها ساعتين إلا تقول فيه شعر)
ريما: خلااااااااص بقول
ثامرانتى في قلبي ثامر
ثامر:ايوه،
ريما: بس
ثامر:مشا الله تعبتينفسك
____~~~~_____~~~~______
وصارت المكالمات شبه يوميه
الساعه 8 يومالخميس كان فيصل ومحمد وابو فيصل(عبدالله) معزومين
راشد راح لأمه لان ابوفيصلماخذ ثنتين ام راشد طلقها وام فيصل توفت وكان راشد يروح يوم ورا يوم و كل خميس يروحلها وينام عندها أحيانا مايروح إذا كانت اخته ريما فالبيت لحالها لانه اقرب واحدلريما يفهمها زين
ريما:ياسلااام بتروحون وبتتركوني لحالي
فيصل: راشد ليه راحلامه بالعاده يكون معاك
ريما:لا مسكين منزمان ماشافها انا قلت له يروح
محمد: خلي لقافتك تنفعك
ريما تتنهد: اوف انا طفشانه حرام عليكم
ابو فيصل: محمد اجلسمع اختك
محمــد:لايبه تكفى ماني رايق لها اتصل على فايز يجي يجلسمعــها
ريمــا:لا خلاص يازين الواحد إذا كان جالس بروحه تحس انهمرتاااح
محمد:هههه لا حالف
ريمــا:أحلف على كيفك وصعدت فوقلغرفتها
راحوا
هي طبعآ مالقت غير ثامر
راحت واتصلت عليه
حبت تقولهعــن فايز
بأسلوب
ريما: ثامــر
ثامــر:عيونه
ريما: الله لايحرمنياهاقول آمين
ثامر: آميييــنيين
ريما:في واحد يقرب لنــا او بالأصــح ولدعمي
ثامر: وش فيه ؟
ريما: خطبني
ثامر:وشلوووون
ريما: خطبني بسماوافقت
ثامر: ليه؟؟
ريما:هذا سؤال تسألني اياه؟
ثامر:...
ريما:وش فيكساكت؟
ثامر:وش تبغيني اقول؟
ريما:
ثامر:اهو يحبك؟
ريما: إيه
ثامر:
ريما:
ثامر:وانتي؟
ريما:انا إيشفيني؟
ثامر:تحبينه؟؟؟
ريما: وش هالسؤال؟!!!!!
ثامر:وش فيه سؤال عاديتحبينه والا لا
ريما: طبعا لا ما احبه
ثامر:
ريما: ثامر تأكد مليون مرهاني احبك ومستحيل احب غيرك
وارتاحت انها قالت له
مرت سنتين وهم علىهالحاله
وفيه ذاك اليوم اللي ريما خذت شهادتها وانتهت من الثانوي اول مادخلتالبيت وهي راجعه من المدرسه:
يبه،راشد،فيصل،محمد
محمد نزل بسرعه منصراخها:خيرإنشا الله وش عندي بهالصراخ
ريما:وين ابوي؟؟
محمد : ابوي كان عندهمراجعه في المستشفى وداه فيصل
ريما:وراشد؟
محمد:توه مابعد رجع من الجامعهالمهم
خلصينا وش عندك؟؟؟
ريما: ابشرك نجحت
محمد حب يقهرها: طيب
ريما:حرام عليك
محمد: خلاص خلاص لاتبكين مبروك
ريما:الله يباركفيك
بعدين انا مافيني صبر ابتصل على خالي ناصر
محمد: ياحظك
ريما: قول مشاالله لايجيني شي اليوم
محمد :مشا الله
ريما جا في بالها ثامر و ودها تعلمه بسمحــــــــمد
ريما جت بتطلع فوق
محـــمد : مااتصلتي على خالي؟
ريما:إذاطلعت فوق اتصلت
راحت ريما وخبرت ثامر وثامر فرح كثير بنجاحها وخصوصا انه قايلاول ماتنجح بيفاتح اهله انهم يرحون يخطبونها له
وقال لريما:اول ما اقفل منك بروحلأهلي وأقولهم يجون بكره ويخطبونك لي ورسمي بعد
قفلت منه واتصلت على خالها ناصروفرحلها
[فاتح ثامر اهله انه يحب ريما وعلمهم كل شي عنها و انه يبغاهم يروحونيخطبونها له]
،هناحصل اللي لم يكن يتوقع،
رفضت امه[اممحمد]بشده:
لا لا لا
و على جثتي ماتاخذ من عائله فقيره
ثامر:بس يمه هيغنيه بأخلاقها واحترامها للآخرين والانسان مايعيبه إلاسوء اخلاقه وريما بنت ناسو....
ام محمد:لاتكمل انا قلت لك مالك غير رهف بنت خالتك واظنك تفهم
ثامر:بسانا ماأحبها
ام محمد: لا والله يعني انا عاشقت ابوك قبل ماأتزوجه
ثامر:يمهانا ماأقصد كذا
ام محمد:تقصد ماتقصد انا كنت انتظرك تفتح الموضوع ودامك فتحتهالخميس الجاي خطبتك من رهف
ثامر:يبه تكلم قول شي
ابومحمد:امك تعرف مصلحتكياولدي(..حتى ابو ه ماكان همه في الدنيا غير الفلوس وتنفيذ كلام زوجته{اممحمد}..)
ثامر:مستحيــــــــل يايمه مستحيــــــــل اتزوج غير ريما
ومشى ثامربيطلع من الصاله
ام محمد:لحظه ماكملت كلامي
ثامر:يمه انا قلت لك غير ريمامستحيــــــــل
ام محمد:يعني تعصي كلامي؟
ثامر: يمه انا ما اعصي كلامك بسلازم يكون لي شخصيه
ام محمد:اسمع كلامي زين اليوم الثلاثا بعد بكره راح اروح اناوياك نخطب رهف وان فشلتني وإلا رفضت والله ثم والله اني لا امك ولا اعرفك ولايطبلساني على لسانك
ولاعاد اشوف رقعة وجهك في البيت وانا حلفت والله
ثامر:طيبليه يايمه؟؟!!
انا قصرت معاك بشي انا أكثر واحد من اخواني انفذ لك اللي تبينه كلشي تطلبينه انفذه
دايم انا اجلس معاك في البيت وانا اللي ضحيت بستنين من دراستييوم تعبك يمه..
ام محمـــــــد :تتمنن على امك؟ انا حملت فبطني وربيتك وآخرتهاكذا تعصي امك وتفشلها
ثامر:لا يايمه انا ما افشلك
بس
ام محمد:بس كلاخوانك انا اللي مختاره لهم زوجاتهم ليش ماتطلع مثلهم
ثامر: انا احب ريما
اممحمد:حبها برص اناقلت تتزوج رهف يعني تتزوج رهف
ثامر مسك يد امه وجلس يحببها: يمه تكفين أبوس يدينك (يبكي ونزل عند رجليها)ورجليك بس تكفين ماأتزوج غير الليفبالي.تكفين يايمه تكفين
الله يخليك
ام محمد تأثرت كثير يوم شافت ولدها يبكىعند رجليها ويترجاها
ثامر عندها غالي كثير ومدلعته من يومه صغير
وطلعت فوقلغرفتها
ابومحمد(تأثر): خلاص ياولدي
ثامر وعيونه غرقانه دموع قام وراحلغرفته
وشاف جواله
2مكالمات لم يرد عليها
لقاها ريما
وقفل جواله ولااتصل عليها
كان محتاج يكلمها بس مايبغى يخرب فرحتها بالنجاح
قفلالجوال
اليوم الثاني**
نزل ثامر الظهر
تحت ولقى امه جالسه وخواته مهاثالث متوسط وهيا اولى ثانوي يتغدون
حب راس امه وجلس عالطاوله: السلام
كلهم:وعليكم السلام
هيا: ثامر ابغاك تودينا السوقاليوم
ثامر:والسواق
هيا: السواق بيودي امي لخالتي
ثامر: طيب انا ماني فاضياليوم إلا العصر
مها : هنود إنا عشان نروح العصر
ثامر: لا والله اصلا وش تبونمن السوق توكم رايحين قبل امس
هيا: بنتجهز قبل زواجك.
ثامر التفت على امه والفرحه ماليه وجهه : يعني موافقه على ريما
امه:لا ومستحيــــــــل اوافق رهفمالك غيرها واظنك تذكر كلامي مال امس
هنا انصدم ثامر والحزن طغى علىوجهه
وقام من على الغدا وغسل يديه وطلع من البيت وهو معصب
ثامر جلس يدورفالشارع فعز الظهر
جلس يفكر واخر شي وصل له انه يخبر اعز اصدقاه(بدر) بالسالفهوياخذ شوره
وجا بيطلع جواله من جيبه تذكر انه في البيت ومقفل وهو ماوده يرجعللبيت الحين
جلس يدور في الشوارع سرحان
وهو يدور حس بروحه عطشان لقى لهسوبر ماركت قريبه ونزل
وهو توه نازل إلا ذيك السيارهالمسرعه
.
.
..
.
.
..
..
تصدمه
قبل الصدمه حاول السواقانه يسيطر على السياره لاكن صدمه صدمه بسيطه
أغمى على ثامر ماحس بروحه إلابالمستشفى لاكن كانت اصابته بسيطه كسر في الساق اليمنى وتجبرت
عطاهم رقم خويهبدر عشان يوديه البيت
جا بدر ووداه
للبيت
رن الجرس فتحت الشغالهالباب
ثامر:طريق معي رجال
بدر:فالصاله هاه
ثامر: ايه
بدر حط ثامرفالصاله وكان الوقت بعد العصر
بدر: إلا ليش مقفل جوالك
ثامر: ابتصل عليك وبقول لك السالفه
بدر:طيب يالله بروح اصلي واجيب سيارتك
ثامر:تعبتكمعي
بدر:وش دعوه ماسمعت اصيل يقول تعبك راحه
وحنا اخوان ولاعاد اسمعك قايلهالكلام
طلع بدر وجلس ثامر بالصاله منسدح ويحمد ربه على اللي جاه ويقولفنفسه(..عسى ان تكرهوا شيئا وهو خير لكم..) لان كذا اكيد إذا شافته امه راح تغيرقناعاتها
<<<يلعب على عقله امه إذا حطت شي فراسها لازم تنفذه
خذالهغفوه وهو منسدح عالكنبه
شوي إلا اخته مها:ثامر إيش فيك؟؟
ثامر صحى على صوتاخته
ثامر:وش تبين؟؟؟
مها:وش اللي مسوي فيك كذا؟؟
ثامر:طايح
مها بصوتعالي:مامي مامي
ثامر:وشوله تنادينها؟؟
مها:خلها تشوف اللي صاير لك
امه وهينازله من الدرج: خير وش فيه؟
مها:مامي ثامر منكسره رجله
امه: وشو؟؟
وجتصوبه تسرع:يمه وليدي وش فيك؟؟
ثامر: كسر بسيط ومتجبر
امه: لامو بسيط ووشومنه
ثامر: طايح
امه: وين فيه؟
ثامر: طحت عند السوبر ماركت
امه:سلامتكماتشوف شر جعله فيني يمه ولافيك
ثامر: لا انشا الله لاتفاولين علىنفسك
طلعوني فوق ابغى اصلي العصر
امه: لاوين فوق نحط لك غرفه تحت ونجيباغراضك فيها
(التفت على بنتها)مها روحي شوفي الغرفه اللي هناك قولي لشغالاتينظفونها بسرعه
مها:انشا الله
ريما حست انها ماهي مرتاحه تبغى تكلم ثامروتسأله وش فيه مقفل جواله
مر اسبوع تقريبا وكل يوم تتصل على ثامر ومقفلجواله
وام ثامر ماغيرت قناعاتها ولزمت على ثامرانه يتزوج رهف
وبدر قال لثامرلازم يقول لريما عن ردة فعل امه ويشوف ردة فعلها
وان كلامه امه اكيد هو راحيمشي
ثامر جالس بروحه الساعه 1 في الليل ومشتاق كثير لصوت ريما بس متردد وشيقولها لو سألته عن الزواج
قرر يقولها
فتح جواله وخلاها 5 دقايق يشوف إذا فيهرسايل من ريما
و 6 رسايل منها
وحده موجود 15 مكالمه من ريما
كانت أكثرالرسايل مكتوب فيها:
[ ارجووووك اول ماتفتح جوالك طمني عليك]
وكانت فيه رسالهمكتوب فيها:[ حرااااام عليك ياثامر ماخليتني افرح مثل باقي الناس بنجاحي ]
اولماشاف ثامر الرساله اتصل علىطول ماردت
اتصل ثانيه وردت وكانت طايره منالفرحه:هلاوالله بالقطوع
ثامر:الناس اول شي يقولون السلام
ريما:السلام
ثامر:وعليكم السلام
ريما: وش فيك مقفل جوالك؟لاتقولخربان
ثامر: كنك داريه
ريما:ثامر جد والله
ثامر: قولي الحين الحمدلله علىسلامتك ماتشوف شر
شهقت ريما:ليه وشفيك؟
ثامر:منكسره رجلي اليمنى ومجبره
ريما:سلامتك ثامر ماتشوف شر ياليته فيني ولافيك ياحياتي
(وتغير صوت ريماخنقتها العبره)
ثامر قالها عن رجله عشان مايبيها تسأله وش صار معاهله..
ثامر: ريما لا تقولين كذا
ريما: طيب كيف؟
ثامر:وش الليكيف؟
ريما: انكسرت
ثامر: طايح
(ثامر صارح اهله انه حادث مو طايح )
ريما: كيف؟
ثامر: كنت في الشارع وطحت وانكسرت
ريما: بأمااانه؟؟؟
ثامر: ليش قلتي بأماااانه
ريما: حاسه انك موطايح
ثامر: بصراحهبصراحه
ريما:أيوه
ثامر: حادث
ريما رفعت صوتها:إييييش
ثامر: صدمتنيسياره والحمدلله جت بسيطه بس كسر
المهم الحين شخباركانتي؟
ريما:....
ثامر: ريما
ريما نزلت دموعها ولاردت عليه
ثامر: الووريماي
ثامر حس بأنفاسها انها تبكي
ثامر:ريما انتي تبكين تستهبلين ترى السالفهصار لها اسبوع؟
ريما تكفين لاتبكين عشان خاطري طيب
ريما : ثامر
ثامر: عيونه
ريما: ليه قفلت جوالك؟
ثامر:
ريما: انت فاتحت اهلكبموضاعنا؟
ثامر: هذا مو وقته إذا هديتي خبرتك
ريما:بس انا ابي اعرفالحين
ثامر: بعد شوي اكلمك واقولك
ريما:ثامر ارجوك قولالحين
رفضوا؟؟؟
ثامر:اسمعي ياريما
(قالها السالفه كلها)
هاه وشرايك؟؟
ريما كانت حاطه ثامر الامل بعد الله
لانه كان يحس فيها وكل شيبقلبها تقوله
ثامر هو حياتها وروحها هو الوحيد اللي ملك قلبها
ماقدرت تتخيلكيف بيروح عنها
ثامر: حياتي صدقيني والله احـــــبك وانا مستعداتزوجك واضحيبأهلي عشانك ،، وانا أهم شي عندي موافقتك
انا حبيت اقولك لاني ماتعودت اخبيعليك شي..
سكتوا كلهم،،
ثامر كان مهتم يسمع رايها
ثامر:هاهوشرايك؟؟
ريمــــا: شوي واتصل عليك بــــــــاي
ثامر: بــــــــاي
ريما قفلت وجلست على سريرها وتبكي
ولاقدرت تفكر
بس كانتعارفه انها فحيـــــــره
بعد نص ساعه
إتصل
وردت وسألها وشرايها؟؟
كانتصوت ريما مبحوح من البكا
ريما: انت اللي وشرايك؟؟
ثامر: انا قلت لك مستعدابيع الدنيا من شانك
ريما:تبيع امــــــــك؟؟!
ثامر تنهد: شوفي انا بتزوجكانتي امي صحيح بتزعل بس مصيرها ترضى
حاله من السكوت
ثامر:هاه قولي وشرايك؟
ريما:فـ إيش؟
ثامر:فالموضوع
ريمــــــــا: مدري
ثامر:وشلونيعني؟؟
ريــــــــما: ثامر انا أحبــــــــك واتمناك لاكن مستحيــــــــل نتزوجبدون رضى اهلك
ثامــــــــر: طيب وش اسوي
ريــــــــما:سو اللييريحك
ثامــــــــر:المشكله امي مختاره لي رهف ورهف انااكرهــــــــها
ريــــــــما:
ثامــــــــر: اسمع كلامامي؟
ريمــــــــا: براحــــتك
ثامــــــــر: لا ياريما وش الليبراحتي؟
انتي قولي وش اللي يريحك؟
ريمــــــــا:
ثامـــــــر: ظنكأهلــــــــك بيوافقون لو أخطبك من دون أهلي
ريمــــــــا: لا ماراحيوافقون
ثامــــــــر: ريما لو الظروف قدرت اني أتزوج رهف
وش بيكونموقفك؟
ريمــــــــا : الــمـــــــوووت
ثامر:بسم الله عليك لا ان شا اللهجعل يومي قبل يومك
ريــــــــما:ثامر
ثامــــر: عيونه
ريما:اسمع كلامامــــــــك
واتزوج اللي اختارتها لك انــا . . (ماخلاها تكملكلامها)
ثامر:خلاااص خلاص تكفين لاتكملين
شكل بالك رايح مع فايز ..
ريما: افا ياثامر ماتوقعت اني ابسمع هالكلمه منك الله يسامحك عالعموم صدقني ياثامر إذااهلك مو موافقين مانقدر نتزوج
ثامر رفع صوته : ليه انا اللي بتزوج والاهم
ريما: ثامر ارجوك لاترفع صوتك
ثامر: انا مااقول غير حسافه حساااافهياريما
ريما: حسافه إييششش ؟
ثامر:كل شي كل شي بينا ضيعتيــــه
وقفلالسماعه فوجهها
ونزلت دموعه اللي ماقدر يتمالك نفسه ويمسكها
وريما اول ماقفلالسماعه اغمى عليها
دخل كان يتكلم وهو يفتح باب غرفتها راشد:ريما عندي لك بشارهريما إيش فيك؟ ( راح راشد لأخته وكان حاط يده ورا ظهرها)
راشد يصرخ:فيصليبه
ودوها للمستشفى
وصار معها انهيار عصبي
وتكون تحت الملاحظه لمد24 ساعه
كان اذا سألوها وش فيها؟ تعصب عليهم علىطول
وعشان كذا ماتموا يسألوا لانالدكتور مانع انها تعصب
لانه راح يضر بصحتها
مر اسبوعين وريما تغيرت وصارتنادر ماتضحك
ريما جالسه بروحها فغرفتها
وجالسه قدام التسريحه كانت توهامتسبحه جااخوها راشد اقرب واحد لها فالدنيا خصوصا ان ماعندها خوات وبنت عمتها الليتعتبرها اختها متوفيه فحادث لها سنه تقريبا المهم دخل اخوها: ريماي حياتي اطلب منكطلب؟
ريما: وشو
راشد: اتصلي على جولي اشتقت لها
ريما: فاضي
راشد: ريماانتي من تعبتي ماكلمتها تكفين
(جولي(جواهر) بنت خالها ناصر فثاني ثانوي وراشدفثاني جامعه وراشد مجنون جواهر)
ريما: ليش ماتتصل انت؟
راشد: بصراحه انازعلان منها
ريما:ليش غريبه راشد يزعل من جواهر؟؟
راشد: موانا هي الزعلانه وهيماترد على اتصالاتي
ريما:اها
اتصلت ريما على جواهر وحطت علىالسبيكر
جواهر: الو
راشد يقول فنفسه يالبى هالصوت
ريما: هلا واللهأخبارك؟
جواهر:حمدلله اخبارك انتي
ريما: تمام
جواهر: غريبهمتصله
ريما: لابس... (تناظر راشد وش اقولها)
جواهر: عسى رشودي مافيهشي
هنا راشد فز قلبه
ريما: لابس مسكين تعبان
جواهر بإهتمام: وشفيه؟
راشد يناظر ريما ليش تقولين لها كذا
ريما: وش اقولك طايح على فراشهولايحاكي احد
راشد: تلعب عليك مافيني شي
هنا ريما عصبت
جواهر تمتساكته
راشد سحب من يد ريما
الجوال و وخر السبيكر
وجلسعاالأرض
ريما:ياحيوان جيبه
راشد:الو
جواهر:___
راشد: جوجو إلى الحينانتي زعلانه مني؟
ريما تذكرت ثامر وتحس انها مشتاقه لصوته كثير ودها تعرف هومرتاح وإلا لا
وبدت دموع تنزل
وحطت وجهها على المخده وهي منسدحه
راشد قفلالسماعه
راشد:ريما انا طالع شوفي جوالك يرن
ريما: مين يتصل(ولارفعتراسها)
راشد:مدري رقم
ريما رفعت راسها بقوه وقامت من السرير
وخذتالجوال:الو
راشد استغرب من حركتها ولاطلع من غرفتها
وجلسيسمع
ريما:لاغلطان وقفلت
وعلى وجهها علامات الإستياء وراشد علاماتالإستفهام
راشد:ريما وش فيك؟
ريما: رجال غلطان
راشد:كنك تنتظرين حديتصل؟
ريما:هاه لابس توقعت صديقتي متصله لان فيه سالفه بيني وبينها
راشد: ممكن اعرفها؟؟؟
ريما: راشد يوووه سالفه بيني وبينها بايخه
راشد: طيب قوليهاحتى لوانها بايخه
ريما: خلاص راشد لاتصير عاد ملقوف وتدخل نفسك بشيمايخصك.
راشد:!!!!!!!!!!!!!!!!!!!!!!!!
راشد انصدم لانها كانتجاده:
لاأصير ملقوف،،
الله يسامحني صرت ملقوف وادخل فأشياماتخصني
مشكوره
طلع راشد من الغرفه وهو معصب
ريما حست انها فعلت خطا كبيرلان رفعت صوتها على اخوها وزياده على كذا كلامها
راشد راح لغرفته وانسدحعالسرير
وحط يديه ورا راسه
دخلت عليه ريما: رشود
راشد:....
ريماخانقتها العبره : رشودي تكفى عاد
راشدمغمص عيونه: خير
ريما: وشفيـــــــك؟
راشد: بنام
ريما: بتنام؟؟تونا الساعه 10
راشد قام وتربععالسرير: وش تبين؟؟
ريما: وش فيك معصب؟ (وقعدت قدامه)
راشد: ترفعين صوتكوتقولين ذا الكلام ولاتبيني أعصـــب
ريما: طيب انا آسفه
راشد: وانا وش مطلوبمني؟
ريما: ما ابغاك تزعـــل
راشد: ماتبغيني ازعل!!!
ريما انتي تغيرتيكثير ليــــه؟
ريما:
راشد: ردي ليه تغيرتي
ريما:عشاني ماقلت لك السالفهتغيرت؟؟
راشد: لاياريما مو عشان كذا بس كلنا لاحظنا عليك طيحتك ذاك اليوم اسلوبكمنشوي حركتك بعد ماقفلت لاحظت انك تبكين ليه؟
ريما: موقف بيني وبين صديقتي ولاابغى اقول لأحد
راشد:يمكن نقدر نساعدك
ريما انا كل شي اقول لك حتى لو انهبيني وبين جواهــــــــرولا اتضايق بالعكس شوفي انا ماسألتك إلا لأن انتي أقرب وحدهلي اقرب من جواهر للاسف كنت اتوقع اني كذا بالنسبه لك
والحين صرت ملقوف خلاص بعداليوم لاتقولين لي شي ولاأقولك
ريما كانت ساكته ومنزله عيونها
راشد :حطي عينكبعيني،،،
ليه تغيرتي!؟
ريما : راشد انا راح اقولك السالفه مع اني عارفه انكبترفع يدك علي وبتتظايق لاكن انا ماعندي احد اقوله غيرك لا ام تحن علي ولا خواتاقولهم اللي بقلبي
راشد:وانا وين رحت؟
ريما: بس انت ...
راشد: اناإيــــــــش؟؟
ريما خلاص بتنزعل دموعها
راشد:خلاص لاتقولين مو لازم اعرفالسالفه
ريما: لا بقولــــــــها
راشد:زيــــــــن يلله تكلمي
ريما استلمتوقالت السالفه كلها: وبس
راشد عصب وقام من عالسرير ووقف قدامها: وبس!!!
ريماانتي انتي تكلمين؟!!!!!
مستحيل اصدق
ريما قامت ووقفت قدامه ومسكت يده:رشودتكفى لاتعصب
راشد ضحك باستهتار:لا أعصب
ريما كانت تبكي ومنزلهراسها:....
راشد :ليه سويتي كذا؟
راشد حط يده تحت لحييها ورفع راسها: جاوبينيليه سويتي كذا؟
ريما تمسح دموعها :
رشود انتوا مو حاسين
فيني انت صحيحاقرب واحد لي بس انت ولد ودايم عند امك،
وابوي فالدوام وفيصل طالع ومحمد موفاضي
(راشد عيونه مليانه دموع ولايبغاها تنزل)
انت مو حاس فاللي احس فيهانا
انت عندك خوات واخوان واب و((ام ))تحن عليك وماتستغني عنك
لاكن انا دايمبروحي فالبيت
(يوم قالت ام راشد جاه احساس غريب و نزلت دمعته ومسحها بسرعه بدونماتحس ريما)
انا لما اكون متظايقه او فرحانه ما في احد يحس فيني ماحس فينيغيره
راشد: طيب واللي يصير له كذا يشوه سمعته وسمعة اهله
ريما:....
راشد: ريماي فذمتك انتي مصدقته
ريما:
راشد: مصدقته والا لا؟
ريما: هو يحبنيوانا أحبه
راشد من غير شعور ضربها كف جامد لدرجة ان صوته كان قوي ومنقوته طاحت عالأرض وتمت علامات الاصابع مطبوعه على خدها الأحمــر
كانت هاذي اولمره فحياته يسويها (يضرب اخته)
(راشد طلع برى الغرفه علىطول وهو ينزل من الدرجقابله فيصل: وش فيك ؟
مارد عليه وطلع للشارع راح فيصل لغرفته ونام)
ريما كانتتبكي فغرفت راشد
في وقت حست من ان مافي احد يحس في قلبها المجروح ومستحيل انسانفالكون يشيل همها
ريما حاولت تشيل نفسها وراحت لغرفتها وقفلت عليها
كانت تفكربألف فكره عشان تنتحر
بس ماقدرت تسوي شي
راشد من نزل وهو في سيارته ماتحركبها كان يحاكي نفسه: حرام عليك ياريما استطرده شعور وبدا يأنبه ضميره حس ان اخطاخطأ كبير فحق اخته لأنه طلع
من البيت وهي الحين بحاجة لاحد بجنبها
جاه شعورحس ان قلبه بيوقف ونزل من السياره وصعد لغرفته ولا لقى أخته راح لغرفتها والبابمقفول :
ممكن تفتحين؟؟؟
(ريما أغمى عليها ثانيه)
راح لغرفته وانسدحعالسرير كان يعاتب نفسه (ياليتني ماسويت كذا) يبغى ينا م ماقدر يغمض عينه
اتصلعلى جوالها وراح عند باب غرفتها كان يسمع جوالها يرن:ريما ردي تكفين
ضرب البابماردت
رجع لغرفته وقال انتظر الى الفجر
الفجر ما صحت
ولا فتحت الباب خلاصماقدر يصبر
بعد صلاة الفجر راح لابوه وقاله ان ريما شكلها تعبانه ومن امس مافتحتالباب
ابو فيصل: خلني اروح اشوفها
راحوا عند غرفتها وضربوا البابولافتحت
محمد بينزل للعمل لان عمله بعد الفجر: وش فيكم؟؟
ابوفيصل: ريما نضربعليها الباب ولافتحت
محمد:طيب يمكن البنت نايمه
راشد: بس ريما نومهاخفيف
محمد: طيب يمكن ماتبي تفتح وأصلا وش تبون منها فذا الوقت؟؟
راشد: اقوللو تروح لشغلك احسن
محمد: ايه والله صدقت(وراح)
ابوفيصل: اخوك صادق اخافالبنت نايمه ونزعجها خلني اروح اخذ لي غفوه احسن
(وراح)
راشد مايدري وش يسويوصل لاخر شي انه يكسر الباب
دز الباب بأقوى ماعنده
وفتح الباب
لقى اختهطايحه عالأرض وشكلها ينرحم ووجها اصفر وخدها احمر وعليه طبعت الصفقه ومغمي عليها
حط إيده ورى راسها ورفع راسها:ريما ردي علي تكفين
ريما انا اسف والله
(خاف كثير لانه تسبب عليها)
ونادى ابوه وفيصل وودوها المستشفى
طلعالدكتور من الغرفه: حالتها صعبه لازم تتحول للعنايه المركزه
كانوامنصدمين
راشد ماتحمل وجلس عالكرسي ويبكي
فيصل يحاول يهديه
وابوها كانتعيونه تلمع من الدموع
اليوم الثاني
فالمستشفى الساعه 12 فاليل الباقين راحواالبيت ماعدا راشد ماقدر يروح ويخليها
راشد حاول فالدكتور انه يشوفها دقيقهوحده
دخل اول ماشافها انقبض قلبه ودمعت عينه شافها وهي منسدحهعالسرير
وراح عندها ومسك يدها: ريما انا آسف آسف تكفين سامحيني
ياليت فينيولافيك
ريما فتحت عيونها بجهد كبير
راشد جا في باله ثامر ووده يقوله لاكنكيف.،،
مالقى حل غير انه ياخذ رقمه من جوال ريما:ريماي حبيبتي انا عندي شغلهبسيطه بروح دقيقه
راح راشد البيت وخذا جوال ريما لقى فيه 3 مكالمات لم يردعليها
(آغلى الحبايب)
جلس يدور فالاسما يشوف وين اسم ثامر
مالقاه رنالجوال
(آغلى الحبايب)يتصل بك
كانتالنغمه اغلى الحبايباليسا
رد:
ثامر:الو
راشد حس انه ثامر:ثامر
ثامر سمع صوت رجالوقفل
راشد اتصل عليه وثامر ما رد
ثامر بيقفل جواله بيضغط على القفل إلا جاتهرساله
فتحها بيشوفها قبل لايقفله لقى {ثامر ارجوووك رد علي ريمامحتاجتك}
ثامر تردد يقفل جواله وإلا يرد رن جوال ثامرورد
راشد:الو
ثامر:نعم
راشد: انت ثامر صح
ثامر: صح
راشد: ممكننتقابل؟
ثامر: ريما إيش فيها..؟
راشد: ريما ربك اعلم بحالها
ثامر انقبضقلبه
راشد: خلني اشوفك واقولك السالفه
ثامر : اوكي وين
شافه راشد وقاله كلشي لانه أرتاح له...
راشد وهو يقول لثامر كان ثامر كله ساكت وعيونه بتدمع
ومن كلام راشد: انت عارف ان ريما تعاني من مرض فالقلب بعد وفاةامها
ثامر:ليه ماقالت لي
راشد:مدري عنــــكم
ثامر: خلنا نروحالمستشفى
راشد: يلله
راحوا المستشفى
دخلوا علىطول لغرفتها مالقوها
راشد راح للدكتور وهو مسرع: وين ريما؟!!!!
الدكتور قال ان ريما حالتهاصعبه كثير وتم نقلها لغرفة العمليات ولازم تسوي عمليه
راشد : وش عمليه؟
وليش؟
الدكتور: قلبها ضعيف جدا ونسبة نجاح العمليه 40 % ولازم العمليه تعملالحين وبسرعه
راشد خلاص حس ان مافيه حيل تنهد: توكل على الله
ثامرصــــــــرخ:لا ابغى أشوفها قبل
الدكتور: حالتها ماتستحملش
ثامر:دقيقهارجوك
ثامر ترجى الدكتور وخلاه الدكتور يدخل
ثامر اول مادخل غرفة العملياتوشاف حالة ريما ووضعها الأجهزه حولها تماسك نفسه وجا عندها ومسح على راسها : حبيبتيريما سلامات ،
ونزلت دموعه
ريما نزلت دمعه وهي مغمضه ماتبي تشوف عيونه
مسحدمعتها وباسها على
راسها : ياقلبي لاتبكين عشان خاطري تكفين
ريما: ...
ثامر مايدري إيش يقول : حياتي انا والله أحبك(يتكلم وهو يبكي)و مستحيلانساااك
ريما طالعيني حطي عينك فعيني
ريما فتحت عيونها وهي غرقانه دموع :
،حياااتي صعبه بدونك،
ثامر باس يدها
وطلع لان الدكتور طلب منه انهيطلع
و طلع ثامر من الغرفه لان مابقى شي ويسوو العمليه
ثامر كان كله يدعي ربهان العمليه تنجح
راشد كان يبكي وثامر كمان
جا فيصل ومحمد قام ثامر وراحلقسم ثاني عشان يبعد الشبهه
وجا الابو بعد ما اتصلوا عليه يخبروه بحالةبنته
طلع الدكتور من الغرفه قام الاب وسأله عن العمليه
الدكتور:الف مبروكنجحت العمليه
راشد: دكتور ابغى اشوفها
الدكتور:ماتئدر دا الوقت حالتهاماتسمحلش
(رفض الدكتور ان اي احد يدخل عليها وعلى ان باكر يشوفوها)
الاب:خلاصاجل يلله نروح البيت
وفرحوا راشد ذكر ثامر انه ماخبره قال لاهله روحو وانابألحقكم
راح راشد يدوره لقاه جالس على كرسي وواضح على شكله انه متوتر قرب عندهووقف قدامه:ثامر
ثامر كان منزل راسه رفعه:
راشد بشر
راشد:ابشرك نجحتالعمليه
وقف ثامر من مكانه :احلف
راشد: والله نجحت لاكن الدكتور رفض ان احديشوفها
ثامر مايدري إيش يسوي علىطول سجد فممر المستشفى يحمد ربه
راشد يوم شافشكله تأكد ان ثامر يموت فأخته
قام ثامر : خلنا نروح نشوفها
راشد:ما نقدر إلابكره
إمش الحين خلنا نروح ندور لنا شي ناكله وبعدين يصير خير
ثامر سكت ووقففمكانه
راشد:وش فيك وقفت تعال
معي
ثامر: لا انا ماابغى اكل شي احس انيشبعان
راشد: وشلون شبعان وانت من زمان هنا
ثامر: لا انا بروح للأهل
راشد: يا ابن الحلال تعال معي، انت فيك شي
ثامر:
راشد: ثامر خلاص اعتبرني خويك إذاماعندك مانع.؟
امش ياابن الحلال انا جايع
ثامر: راشد انت شايل فقلبك لانيكلمت أختك
راشد:يوم قالت لي السالفه تمنيت انت اللي قدامي مو هي
بس الحينعرفت ان ريما تحبك موت وانت بعد تحبها
والا انا غلطان
ثامر:وربي موغلطان
راحوا يتعشون وعلى انه إذا جا بكره يجون للمستشفى
جو اليوم الثانياهلها الساعه 2 الظهر
اتصل راشد على ثامر وقاله
ان اهله فيه
الساعه 5العصر اتصل ثامر على راشد وقاله انه بيجي المستشفى قاله راشد يجي لان تقريبا مابقىشي ويروحون الباقين
راح ثامر ووقف مع راشد عند الإستقبال وثامركان معه باقة وردوتاركها على طاولة الإستقبال
ثامر:باقي أحد عندها فالغرفه
راشد:إيه باقي عمتيبتروح الحين
شوي دخل رجال
طويل وابيض وجسمه حلو ولابس ثوب شماغ ونظارات شمسيهوسكسوكه
و ماسك باقة ورد
شافه راشد إلتفت على ثامر:
وش يبيذا.؟
ثامر :وش فيك؟
جا الرجال وسلم على راشدوثامر:السلام
راشد،ثامر:وعليكم السلام
راشد : وينك يافايز من زمانماشفناك؟
ثامر تذكر ريما يوم تقوله عنه
تغير وجهه ومايدري أيش يسوي
فايز: وش اسوي اشغال الدنيا بس سمعت ان ريما فالمستشفى انقبض قلبي وجيت علىطولاشوفها
فايز:يلله راشد ودني غرفتها ابروح اطمن عليها من زمانماشفتها
ثامر ماقدر يستحمل
ومشى عنهم لحقه راشد:ثامر تعال وين رايح
ثامروقف فمكانه:..
راشد:وين رايح؟
ثامر:عاجبك كلامه
راشد:لاطبعا
ثامر اجلسلاتصير سخيف
والورد
ثامر: والله ودي أعطيها انا بنفسي بس إذا راح فايز اتصلعلي
راشد: وإذا طول ماراح
ثامر: خذ الورد وعطها ريما وانا راح اجي بكره اتحمدلها على السلامه
(راشد ارتاح كثييير لثامر وحبه واعتبره خويه)
بعد مرورشهر
طلعت ريما من المستشفى
الشي الغريب اللي حصل فهالشهر ان راشد وثامراصبحوا اصدقا
المهم
جا ذاك اليوم اللي كانت ريما جالسه فالديوانيهتدور شريط كاظم
ومستعجله ولاولعت اللمبات وكان راشد مهب فيه
وكان دايم يجلسهو واخوياه إذا جو فالديوانيه
شوي فتح باب البيت ودخل راشد ومعه ثامر
راشد: ثامر ادخل الديوانيه لين اجيك بروح اقولهم انك فيه عشان ماحد يطلع
ثامر دخلالديوانيه وولع اللمبات وريما كانت منزله راسها مارفعته: رشود يالشين وين شريطكاظم؟
رفعت راسها : تسمعني انت
ثامر كان مصدوم ولاقدر يطلع
وبداء يستوعبالموقف: انا آسف
وطلع
ريما خلااااص خافت ولاتدري إيش تسوي
جا راشدوشاف ثامر واقف ولادخل الديوانيه: وش فيك مادخلت مسوي تستحي
ثامر:لا بس شكل فيهأحدفيها
راشد: يوووه شكلها ريما
خلني اروح اشوف
دخل عليها وهي كانت مرهمتوتره : وش جلسك هنا
ريما: ادور شريط
راشد:والله انك سخيفه ادخلي داخلبسرعه
وانا بطلع ثامر للشارع لين تروحين بسرعه
ريما:طيب
طلعه وراحت داخلوهي ضايق صدرها بقوه
لان شافها على هالشكل كانت لابس بجامه حمرا ورافعه شعرهابشباصه ونازله خصل
بصراحه كان شكلها مره مره حلو بس هي ضايق صدرها لانهاماكشخت
ثامركان سرحان ويقول فنفسه:وش هالجمال ياريما ماتوقعتك كذا مادري كيفبستحمل رهف لو لو خذيتها
راشد:ياهوه وين رحنا
ثامر:وشو
راشد:وش عنديسرحان
ثامر:لا ابد
(ثامر قال لراشد عن رهف وجاوبه راشد انه لازم يحاول فأمهوعرف راشد ان ثامر يحب امه كثير ومتعلق فيها ولايرد لها طلب ماعدا الزواج منرهف)
راشد:امس رحت لامي لقيت رجل امي ذا البزر شاري لكزس رهيييب
ثامر: جيب؟
راشد:إيه جيب لكزس مثل سيارتك بالضبط
رن جوال ثامر:يوه مانيرايق
راشد: وشفيك
ثامر:الاهل
راشد:رد يا ابن الحلال يمكن يبونكضروري
ثامر رد:هلا
مها اخته:وينك ثامر؟
ثامر:خير وش فيكم؟
مها: وشاقولك امي طاحت علينا والدكتور عندها الحين فالغرفه
ثامر:انا جايكمالحين
وقفل الخط
قام ثامر وبيطلع مستعجل
راشد:وين رايح
ثامر: اميتعبانه بروح اشوف وش صاير؟
وراح
فتح باب الشارع إلا ذا الرجال اللي واقفقدامه(فايز)
فايز:انت وش جابك هنا؟
ثامر:ياشين الاطفال
راح وكان فقلبهقهر
دخل بيت اهله راح لغرفة امه ولقاها منسدحه عالسرير
قرب يمها:سلامات يمهإيش فيك
امه صدت عنه
مسك يدها: يمه حبيبتي انتي زعلانه علي
امه:يمه انابطلب منك طلب ابغاك تسويه الحين اعتبره اخر طلب تطلبه امك منك
ثامر:امرييالغاليه
امه:بتنفذه
ثامر:إيه
امه:روح للمجلس حق الرجال تلقى رجال فيهومعه شيبان
ثامر:من هو
امه: الملاك
ثامر:الملا ك وش جابه
امه:بيكتبكتابك على رهف
و رهف عند اختك فوق
ثامر انصدم ماتوقع هالطلب
:يمهليييييه
امه:لاترد امك؟
ومسكت يده:تكفى ياوليدي ابغى اشوف عيالك قبللاموت
نزلت دمعة امه قدامه وهي تترجاه
مسك يد امه وباسها :انا موافق
وهذاانا رايح لهم بس يمه لاتبكين ولاتكدرين خاطرك
طلع ثامر من الغرفه وسوا اللي تبيهامه (ملك على رهف)وصارت رهف زوجته
فرحوا كل البيت ماعدا (ثامر)
كان فقلبه حزنما احد يتوقعه
معقوله فاليوم اللي شفتها فيه اتزوج غيرها
ليييه ليه يصير ليكذا
رن جوال ثامر شاف المتصل
راشد
ماقدر يرد عليه
وقفل جواله
راشدكان جالس مع ريما:الله يستر لايكون جا شي لامه
ريما:إتصل ثانيه
راشد:قفلجواله
ريما خافت
راشد:ريما انتي إلا الحين تحبينه
ريما:
راشد:اكلمكانا
ريما:عادي
راشد:صدقتك
ريما:
راشد:ترى إلا الحين ماخطبرهف
ريما:امانه
راشد:والله هواللي قايللي
ريما كانت مرهفرحانه
راشد:عادي
ريما:راشد والله اني احبه
راشد:حتى انااحبه
،،،،،،^^^^^،،،،،،،^^^^^،،،،،
اليوم الثاني
فايز راح لبيتاهل ريما وكان الوقت 5 العصر
رن الجرس فتح له فيصل:هلا
فايز:هلا بك
دخلهفيصل
فيصل:انادي ريما صح طيب
فايز:ههه فاهمني
فيصل راح لريما انزلي تحتبسرعه
ريما:وش عندك؟
فيصل:ابوي يبيك
ريما نزلت بقميص كات وقصيرسماوي
وكانت فاكه شعرها
(فيصل كان وده ان ريما تتزوج فايز وهذا اللي كانمتوقعه)
نزلت لقت قدامها فايز
فايز:هلا
تفاجأت
ريما:وينابوي؟
فايز:انا اللي ابغاك ابوكطالع
ريماتنهدت:هلا
فايز:اجلسي
ريما:بروح ابدل ملابسي
فايز:عادياعتبريني زوجك
ريما:صدق انك ماتستحي
فايز:انا آسف إذا ظايقتك بس لاتروحينابقولك موضوع وبطلع
ريما جلست:وشو؟
فايز جلس جنبها: ريما انا مدري كيف افتحالموضوع
ريما: قول علىطول وش تبي
فايز:ريما انا ابيك تكوني شريكة حياتي وانتيعارفه هالشي من زمان
ريما سكتت
فايز:ريما ادري انك مستغربه بس انا واللهاحبك
واتمنا تكوني زوجتي وربي ما أقصر عليك بشي لوتبين روحي فداك بسارجوك
وافقي وربي احبك ومستحيل [[اترك لأحد ياخذك مني.]]
(ريما بعد ماتأكدتان ثامر لحد الحين ماخطب رهف حست ان فيه امل انه يكون لها)
فايز:اقولمبروك
ريما تشجعت :لا ماني موافقه ومستحيل اوافق
فايز رفعصوته:ليييه
ريما:انا ما اداني الواحد يرفع صوته علي
فايز هدا وتكلم بحنان:طيبليه مو موافقه
ريما:
فايز:فيه احد فبالك؟
ريما:
فايز:تكفين جاوبيلاتسكتين
ريما: إيه فيه
فايز: من هو؟
ريما: ماتعرفه؟
فايز:خارجعايلتنا
ريما: ماتعرفه وخلاص
فايز:إلا اعرفه ثامر
ريما:وشدراك؟
فايز:واضح على اشكالكم بس كيف عرفتيه؟
ريما: مالك شغل
فايز: مستحيلتاخذينه وانا حي
ريما وقفت:وانت وش دخلك؟
وقف فايز:ولد عمك
ريما خافتوفايز عصب<مشهور بالعصبيه
ريما: ليه وش بتسوي؟
فايز: اول شيبربيك
ريما: رب نفسك اول
فايز خلاص انفلتت اعصابه وضربها كف
ريما حطتيدها على خدها خساره هالشنب عليك
وصعدت فوق
الساعه 8 العشاء
فتحثامر جواله
لقى رسالتين وحده موجود من راشد والثانيه من ريما
( اول ماتفتحجوالك طمني على [امك] )
ارسل رساله لريما( [[امي بخير]] ليه ماتسألين عني؟؟؟وإلا ماعاد أهمك )
ارسلت(شخبارك؟؟)
ارسل(الحمدلله وانا عارف كل شي عنك قايلليراشد
بسألك سؤال بأمانه؟
كرهتيني بعد اللي صار بيننا؟)
ارسلت(ياليت عشانارتاح)
ارسل(ليه انتي ندمانه؟)
اتصل ثامر على ريما
ماقدر يصبرماردت
ارسل(مشتاق لصوتك ردي)
ارسلت(اسفه)
ارسل(وربي انتي الشخص الوحيداللي يفهمني وارتاح له لاتقسين علي ماني ناقص)
اتصلوردت
ثامر:احبك
ريما:وانا اكثر من اول احبك
بس ما ابغىاقول
ثامر:والله ياريما انك ماتدرين إذا سمعت صوتك وش يصير لي
ثامر:اليومبشوف راشد فمطعم تعالي معه
ريما:وين مستحيل
ثامر:تكفين
ريما:منجدك؟
ثامر:ايه والله وبقول لراشد لاتفتشين بس تكفيني عيونك<<نسىرهف
ريما:أحاول احاول
ثامر:يالبى روحك باي
ريما:باي
دخلت الفكره في راسريما راحت لراشد وحاولت فيه وبعد معاناة من جد معاناة وافق
راحوا
كانت ريمافاتشه
جلس راشد وثامر وريما
عالكراسي ومالهم الا5 دقايق
اتصل مازن صديقراشد على راشد: هلا
مازن:هلابك اسمع
راشد:هاه
مازن:تعالي بسرعه
راشد: وين ما اقدر
مازن:تكفى راشد انا على شارع اللي يودي لمكه راجع وانخربت السيا رهتعاللي ضروري تعبت وانا اصلح فيها
راشد: اوكي انا جاي
مازن :بسرعه إذاماعليك كلافه
راشد:لاوش دعوه يلله باي
مازن:مع السلامه
ثامر:وشفيكراشد؟
راشد:بروح لمازن عطلانه سيارته وبروح اساعده
قامت ريما: بروحمعاك
راشد:اكيد بعد هاذي يبيلها تفكير
ثامر يناظر متعجب!:أحلفوا وانا اجلسبروحي
راشد:وانت بعد روح
ثامر: والله وجهك قوي
راشد: اصلا ريما ماتبي تجلسمعاك
ثامر يناظرها:من جدك ماتبيني؟
ريما ساكته ومستحيه وجهها طالعاحمررر
راشد:البنت مستحيه ولا انت ماخذ منها شي
ثامر: ريما اجلسي نفسي اجلسمعاك بروحي
راشد: هيه انت لاتنسى اني اخوها
ريما مسكة يد راشد بقوه وكانتيدها ترتجف:
بروح معك
ثامر:ريما تكفين
راشد: البنت خايفه بس خلني ارد جزءبسيط للي تسويه فيني
ريما مسكت كتفه وعيونها بتدمع: بس انا ماسويت فيك مثلكذا(تقوله بصوت مايسمعه إلا راشد)
راشد: رحمتك يوووووووووه طولتعالرجال
باي
وابعد يده من اخته وراح بسرعه
قام ثامر : اجلسي ولاتخافينماراح اعضك
ريما جلست
راشد بيطلع من الباب مال المجمع لقىقباله{فايز}
استغرب وقال فنفسه الله يعينك يا اختي
ركب راشد سيارته وخذاجواله واتصل على ثامر وقاله ينتبه لاخته
دخل فايز ولا انتبه لهم وهم ما انتبهواله
ثامر:ريما ارفعي راسك وش فيك؟
ريما مارفعت راسها
ثامر:انتي خايفهمني
ريما رفعت راسها وابتسمت:شوي
ثامر: احس اني بطير من الفرحه
ريما:إذاطرت خذني معك
ثامر:ليه
ريما: ابغى اكون معاك في كل مكان
ثامر:اكيد
(ليهاعلقها فيني وانا مستحيل اتزوجها مستحيل تكون لي ليه انانذل وانانيلهدرجه)
ريما:ثامر وين رحت؟
ثامر امتلت عيونه دموع ونزل راسه
ريما:فيكشي؟
ثامر: انا نذل
ريما: وش السالفه؟
ثامر: انا نذل صح؟
ريما:لا انت مونذل
ثامر:
ريما: بالعكس ثامر انا من عرفتك وانا حاسه انك طيب وحنون وتهمكمشاعر الشخص اللي تكون انت معه
ثامر:انا بسألك سؤال بأمانه؟
تحبيني؟
ريما:مو احبك بس انا اعشقك
تدري بعد اللي حصل بيننا وفرقنا شهور واللهولايوم مر علي وانا احس اني مرتاحه
(كلام ريما زاد الطين بله وصار لازميقولها)
ثامر:طيب انا بقولك شي وابيك تصدقيني؟
ريما: قول.!!
ثامر:انات
وسكت وبدت عيونه تمتلي دموع ونزل راسه
ريما:!!!!!
ثامر: تملكت علىرهف
قالها بسرعه ورفع راسه يشوف ردة فعلها
(ريما شهقت وحطت يدها علىفمها)
ثامر: ورب الكعبه غصب عني
ريما تناظر عيونه وعيونها تدمع
ثامر: لاتبكين
ريما: ليــــه...
ثامر: صدقيني امي هي سوت كل شي ماعدا
ريما: الموافقه يعني موافق
(ثامر نزل راسه ماكان وده ريما تشوف دموعه)
ريما:انتحطمت كل احلامي فالحياة انت الوحيد اللي ملكني بتتخلا عني
فهالوقت يا ثامر ليهماحسيت فيني فهالشي ،،
إذا امي تخلت عني وانا صغيره
بتتخلى عني انتالحين
مين بقالي
ثامر رفع راسه :خلاص مافيني اتحمل ونزلت دموعه
ريماجتبتقوم: انا رايحه
ثامر:لاتكفين (ومسك يدها) لاتتركيني قلبي محتاجك
ريما مسحتدموعها: لاتبكي طيب
سكتوا وكلهم جلسواسرحانين
ريما:ثامر
ثامر:عيونه
ريما: مبروك
ثامر سكت والتفت
ريما: لاتزعل من كلامي
ثامر:
ريما:ثامر اعتبرني صديقه لك بس لانفترق(ونزلت دمعتهااللي ما قدرت تتمالك نفسها وتمسكها)
ثامر رن جواله
راشد: جيب اختي يللهماطفشتوا
ثامر: خلاص هذا احنا جايين باي
راشد:باي
وقفل
وقام منعالكرسي
(كان جسمه رهيب طويل و عريض شوي وفيه عضلات هو حلو سكسوكه وحبت خالفخدته حلو بس جسمه احلى شي فيه لانه لابس بنطلون بيج وبلوزه سودا شعره كان ناعموكثير يجنن طويل شوي)
قام من الكرسي
ريما:راشد اللي متصل
ثامر: إيهيقول تعالوا
ريما: ماراح يجي ياخذني
ثامر: لاتعالي معي
ريما: صعبه
ثامر: ليه مو واثقه فيني
ريما:المسأله مو مسألة ثقه
ثامر: تبينياتصل عليه
ريما:لا خلاص بقوم
وقامت
طلعوا من المجمع عند بوابته من برامشت ريما عن البوابه وراحت عالرصيف يمين قاصده
ومشى معها ماجا فباله
انتبهثامر:تعالي وين رايحين انا
ريما: ابقولك شي
ثامر: وشو؟
ريما:احبك
ثامر:ريما حتى انا أحبك
ريما: معقوله يكون هذا لنا اخرلقا
ثامر:الله لايقوله
(شافها ومعها واحد بس ماعرفه من بعيد..
قربشوي..ثامر معقوله)
فايز شافهم
وقف عند سيارته يشوف وش يسوون
ريما: الله يوفقك
(وضمته وبكت)
ثامر ضمها بقوه وبكى معاها
كانت تحس بحنان موطبيعي
ماراح تضمه ثانيه
فايز ماقدر يملك اعصابه فتح باب السياره وطلع منتحت المرتبه مسدس صغير
وركب سيارته وقرب شوي شافته ريما وشافت المسدس
وكانفايز مركز التصويب على ثامر
وطلق الرصاصه
لاكن اسرعت ريما جنب ثامر وجتالرصاصه فظهرها
طاحت ريما عالارض وطاح المسدس من فايز وانحاشبالسياره
صرخ ثامر صرخه سمعها كل من كان فالمجمع :ريمااااااااا
ريما:ضمنيقبل ما اموت
ثامر من قوة الصدمه ضمها:لاتخليني ياحياتي
ريما:احبك
حس انهافارقت الحياه
حس انه فقد اعز انسان على قلبه
فكها ولقى الناس متجمعين حولهموالاسعاف قريبه
ثامر:لااااااااااااااااااااااااااااااااااا
تكفين يرحم امكلاتخليني بروحي (ومسك كتوفها )
انتي قد قلتي ماراح اتركك
يبكي والناس كلهاتبكي وتروح ماتحملت
وضمها لصدره بقوه وحط يده على مكان الرصاصه وجلس يناظريديه ترتجف ويبكي امتلت يديه وملا بسه بالدم
كان شكله مرهمحزن
لاتتــــــــركييني تكفين
جات الإسعاف وخذت جثت ريما
ثامر لحقالإسعاف للمستشفى عنده امل
طلع الدكتور من الغرفه : البقيه فراسك
ثامر: خلاص
وجلس عالأرض ماقدر يتم واقف وتركى عالجدار
طلع جواله واتصل علىراشد
راشد:وينكم
ثامر ماقدر يتكلم وتم يبكي
راشد:ثامر تكلم وينكفيه؟
